Alberto Pazo trae para este episodio dos 'Paisajes progresivos' outra mostra do universo sonoro de Anthony Phillips.
Nesta entrega inclúe composicións da súa serie de 'Private Parts and Pieces' que é "máis persoal, experimental, complexa e heteroxénea: as obras que van da V á máis recente a XII, nun período dilatado de tempo desde 1984 a 2024".
Trátase de "discos para guitarra de doce cordas, para piano só, para mergullarse en inquietantes improvisacións para sintetizador…".
"Son traballos que hai que enmarcar no contexto da evolución musical de Anthony e que escoitadas individualmente poden sorprender e mesmo non convencer, pero sempre ofrecen escintileos de xenialidade e de emocións a flor de pel en momentos maxestuoso".
"Espero que gocedes desta entrega diferente e relaxante".