A área sanitaria de Pontevedra e O Salnés traslada a través da Consellería de Sanidade que este sábado 12 hai cinco pacientes en planta do Hospital Montecelo, un no Hospital do Salnés, mentres que dúas persoas atópanse graves na Unidade de Coidados Críticos do Hospital Montecelo.
En total, este sábado rexístranse 148 casos activos na área sanitaria, nove menos que na xornada do venres. Desta cifra, 140 persoas con covid recupéranse no seu domicilio.
Durante os últimos días non se produciron decesos con motivo da enfermidade nesta zona das Rías Baixas. Desde o inicio do plan de continxencia curáronse 14.031 pacientes, 17 máis nas últimas 24 horas e faleceron 181 persoas por culpa da pandemia.
Na última xornada realizáronse 480 probas PCR que ofreceron catro novos casos de infección.
A incidencia acumulada na área a 7 días é de 15,47 casos por cada 100.000 habitantes e a 14 días o número ascende a 39,28.
DATOS EN GALICIA
Durante as últimas horas rexistráronse dúas novas mortes por covid en Galicia, dúas mulleres, de 88 e 64 anos, que perdían a vida no Complexo Hospitalario da Coruña e no Hospital Álvaro Cunqueiro de Vigo respectivamente.
Con estes dous novos decesos, o número de vítimas por coronavirus desde o inicio da pandemia ascende a 2430 persoas.
Este sábado rexístranse 1.517 casos activos, 64 menos que na xornada do venres, dos que 68 atópanse hospitalizados en planta, un menos que hai 24 horas, e 16 persoas atópanse na UCI, dúas máis que o día 11. Notificáronse 81 novos casos nas últimas 24 horas e durante a última semana, o número de casos novos rexistrados é de 547.
A incidencia acumulada a 7 días en Galicia é de 19,28 por cada 100.000 habitantes, mentres que a 14 días sitúase en 43,04 casos.