O Concello de Marín pechou o prazo para a inscrición de comparsas que van participar no desfile infantil do Entroido. Serán 17 comparsas que estarán integradas por un mínimo de 20 nenos e nenas e interpretarán cancións acompañadas por calquera instrumento musical, tal e como establecen as bases.
Os participantes terán que estar no pavillón da Cañota o sábado entre as 15.30 e as 16.00 horas. Ademais, no desfile poderán participar nenos ata os 14 anos nas categorías individual, parellas ou grupos que se poderán apuntar despois dunha inscrición previa ata as 16.15 horas. Cambiouse a ubicación habitual ao multiusos debido á previsión de chuvias.
Repartiranse premios entre os gañadores que queden no primeiro, segundo e terceiro posto nas distintas categorías outorgándose preto de 5.000 euros en premios. Haberá tamén unha Festa infantil con animación e sorpresas na zona.
Este xoves ás 14.00 horas finalizará no Museo Manuel Torres o prazo de inscrición para o Desfile de Adultos que se celebrará o domingo 2 de marzo. Os participantes tamén poderán apuntarse enla Plaza Marqués de Valterra durante a hora anterior ao comezo do desfile. O xurado estará composto por integrantes de diversas asociacións que colaboran habitualmente co concello e terá en conta a orixinalidade, o vestiario, a actitude, o ritmo e a animación.
Repartiranse premios por unha contía de máis de 5.000 euros e as comparsas que reúnan os requisitos contarán cunha axuda pola súa participación, tendo en conta como mínimo de 25 compoñentes disfrazados.