Marín recuperará este ano unha das súas citas máis destacadas do deporte local despois de varios anos sen celebrarse.
Trátase da celebración da Gala do Deporte, que terá lugar o próximo o próximo 17 de xuño, ás 19:30 horas, no auditorio marinense.
A alcaldesa, María Ramallo, explicou que o regreso deste evento responde á aposta do Concello por facelo no auditorio, "pola importancia que ten este acto para o deporte da nosa vila, a cantidade de persoas que se xuntan entre clubs e premiados e as ganas que temos de volver a visibilizar todo o talento que hai aquí", sinalou.
Os nomes das persoas e entidades premiadas coñécense desde o pasado 21 de xaneiro, cando o xurado, integrado por representantes municipais, técnicos deportivos, profesionais do sector e xornalistas, analizou as candidaturas presentadas a cada categtoría.
No apartado individual, Iván García (Taekwondo MATS) será recoñecido como mellor deportista masculino tras un ano no que se situou entre o dez mellores do ranking mundial e logrou títulos como o Campionato de España ou o Europeo por equipos. En categoría feminina, o galardón será para Arlet Ortiz, tamén do Taekwondo MATS, campioa de España absoluta e con outras medallas internacionais.
En deporte base, os premios recaerán en Xián Gutiérrez (Remo Ría de Marín), campión de España de remo indoor, e Ángela Balado (Taekwondo MATS), campioa de Europa, España e Galicia en categoría cadete. O recoñecemento a deportista veterana será para Pilar Vázquez (Remo Ría de Marín), mentres que o premio á inclusividade distinguirá a Paula García, tamén do club de remo.
O xurado designou como mellor adestrador a Emilio Gutiérrez (Remo Ría de Marín) polos éxitos colectivos logrados polo seu equipo, mentres que o CD La Peña será recoñecido como mellor club polo seu crecemento e resultados en categorías basee.
O premio ao mellor patrocinio recaerá en Sei San Narciso polo seu apoio ao deporte basee, e o Open Vila de Marín de boxeo será distinguido como mellor evento deportivo, tras reunir na súa última edición por centos de deportistas de distintos países.
Ademais, Raquel Carragal recibirá o galardón ao deporte con valores pola súa implicación en causas solidarias; o Marín Peixegalego será recoñecido polo seu labor na promoción do deporte basee e a formación; e a Carreira e Andaina Pinga Pinga polo seu traballo voluntario no ámbito deportivo.
A gala incluirá tamén unha mención especial para a Asociación Cultural e Deportiva Gharaboto pola súa labor na recuperación e difusión dos xogos populares galegos.