Avanzar cara a obtención da licenza que permita solicitar a homologación do título. É o obxectivo da ambiciosa actuación que executará a Deputación de Pontevedra na Escola de Cantería. A obra ten un orzamento de 440.000 euros.
Os traballos, que serán executados pola empresa Civis Global, consiste na mellora das condicións hixiénicas, de habitabilidade e de seguridade, medidas correctoras de ruídos e de contaminación acústica, mellora de accesibilidade, melloras no aseos e nos servizos hixiénico sanitarios ou na instalación dos despachos de dirección e coordinación.
Teñen un prazo de execución de nove meses, segundo informou a Deputación.
A Escola de Cantería está dirixida a persoas menores de 35 anos que teñan na súa posesión o título de graduado escolar ou que rematasen o nivel educativo equivalente.
O centro educativo oferta dúas modalidades de formación, a ordinaria, en primeiro lugar, para a formación en canteiro ou mestre, e a específica, en horario nocturno, dirixida a persoas con coñecementos previos en cantería.