Melchor, Gaspar e Baltasar protagonizaron este mércores unha intensa xornada en Sanxenxo antes da súa gran noite, a que tanto esperan todos os nenos e nenas.
Os Reis Magos chegaron xa pola mañá ao municipio no seu Tren Mago, no que realizaron un percorrido por todas as parroquias.
Todo iso foi antes da esperada recepción real na Sala Nauta, que abriu as súas portas ás 16.30 horas.
Peticións de última hora, fotografías e saúdos a unhas Maxestades de Oriente que contaxiaron de ilusión aos máis pequenos.