O vindeiro luns 14 de agosto pecha o prazo para que os particulares e hostaleiros que desexen comer e cear na rúa con motivo da Festa Corsaria obteñan permiso.
O día corsario será o 19 de agosto e ata agora o rexistro do concello recibiu máis de 50 solicitudes.
Desde o goberno local mostráronse satisfeitos polo ritmo de reservas para esta festa, "que ano tras ano, consolídase no calendario do mes de agosto e que enche Marín de corsarios".
A próxima semana presentarase o programa de actividades completo.