A Concelleira de Medio Ambiente e representantes da Fundación Xoán XXIII xa están a programar as rozas para realizar nas distintas zonas de Marín, a partir do mes de maio.
Desde hai anos, esta fundación encárgase ademais de traballos de xardinería, tamén da xestión de camiños e contornas de rural, desde Pedreiras, Casás e Pastoriza ata Lapamán. O primeiro ano que se fixo, comezouse en Pedreiras, e tras a boa acollida, ampliouse ao resto do municipio.
A Fundación Xoán XXIII valora moi positivamente a proximidade das persoas con discapacidade á veciñanza. Aseguran que chegar ás portas de cada persoa traballando desde a integración é a mellor forma de concienciar, xa que co traballo é esixente, pero tamén agradecido cando está ben feito.
Sinalan que esta forma de traballar é unha gran oportunidade de mostrar as verdadeiras capacidades e a empatía das persoas que traballan na Fundación Xoán XXIII.
Desde o Concello de Marín engaden que a veciñanza "lles acolleu con gran agarimo", e isto fai que estes traballadores sentan moi valorados. "Desta maneira non só se gaña a nivel económico, senón tamén a nivel social".
Neste momento, máis a metade do persoal é de Marín.