A praza da Peregrina converterase na tarde deste venres 21 de decembro nun lugar para a repulsa, o recordo e a reivindicación da igualdade entre mulleres e o home e o fin da violencia de xénero.
Será con motivo dun acto organizado polo Colectivo Feminista de Pontevedra ás 20.00 horas "na memoria das vítimas do terrorismo machista" no que se rexeitarán todos os tipos de violencia machista e rememorarase a todas as vítimas deste ano 2018.
O acto levará, entre outros lemas, "unidas, diversas e combativas" e o colectivo feminista anima a todos os asistentes a levar candelas que se utilizarán durante a reivindicación.