Pontevedra amenceu diferente este domingo, sen a que se converteu en poucos anos nunha das imaxes preferidas polos veciños, a do popular Loro Ravachol na Praza da Peregrina.
A escultura de Ravachol, símbolo do entroido pontevedrés, foi arrincada durante a madrugada do lugar que ocupaba, no que presuntamente se trata a un acto vandálico.
Tanto a figura como a estrutura que o suxeitaba foi arrincado desde a base.
Foi unha patrulla da Policía Local que pasaba polo lugar a que se decatou da súa ausencia, pouco antes das 8:00 horas da mañá, polo que buscaron polas inmediacións ata atopala nun lateral do santuario da Peregrina.
Segundo explicou o corpo de seguridade municipal, a escultura "só está rota pola base", sen que se produciron danos de maior consideración.
A Policía custodia agora a figura e iniciou as investigacións para tentar esclarecer o sucedido, para o que ademais de recompilar información de posibles testemuñas ten previsto revisar as cámaras de seguridade da zona.
Engade Pontevedra Viva como fonte preferida de Google de balde
Mantente informado coas últimas noticias de actualidade.