Os casos positivos entre os usuarios de residencias con Covid-19 en Galicia aumentaron a 446, o que supón 14 máis que os contabilizados este martes. Entre outros os 9 novos contaxiados na DomusVi Ribadumia.
Así consta nos datos actualizados este mércores polas Consellerías de Política Social e Sanidade con rexistros ata a tarde do martes, nos que se apuntan 8 altas de usuarios en toda Galicia.
Deste xeito, a residencia de maiores de Ribadumia acumula 68 casos.
Mentres hai outros 8 casos na residencia Nosa Señora Valvanera de Cambados.
Pola súa banda, os traballadores contaxiados con coronavirus aumentan a 250 con respecto ao martes, entre eles, os tres detectados na DomusVi Ribadumia que acumula xa 27 afectados entre o seu persoal.
Con 10 está a residencia Nosa Señora Valvanera de Cambados.