Un home de 74 anos, que falecía durante a xornada do luns 31 de maio no Hospital Montecelo, convértese na vítima 180 por covid-19 na área sanitaria de Pontevedra e O Salnés.
A Consellería de Sanidade notificaba este falecemento durante a xornada deste martes despois de comprobar que continuaba sendo positivo tras ser diagnosticado por coronavirus. Segundo a información facilitada polo Servizo Galego de Saúde, a vítima contaba con outras enfermidades previas.
Trátase da única vítima rexistrada en Galicia durante as últimas horas e con este deceso o número de mortes na comunidade desde o inicio da pandemia ascende a 2.420 persoas.
Na área sanitaria curáronse 13.833 pacientes, 16 máis que na xornada do luns, desde o inicio do plan de continxencia.