A xornalista Beatriz Pino, candidata de Cidadáns por Pontevedra ás xerais

Pontevedra
14 de marzo 2019

Cidadáns desvelou por fin quen será a persoa que encabezará a candidatura que o partido de Albert Rivera presentará pola provincia de Pontevedra nas próximas eleccións xerais do 28 de abril

Beatriz Pino, na súa etapa como presentadora da TVG
Beatriz Pino, na súa etapa como presentadora da TVG / CRTVG

Cidadáns desvelou por fin quen será a persoa que encabezará a candidatura que o partido de Albert Rivera presentará pola provincia de Pontevedra nas próximas eleccións xerais do 28 de abril.

A xornalista viguesa Beatriz Pino será, segundo confirmou Cidadáns, a persoa que loitará por obter acta de deputada no Congreso pola circunscrición pontevedresa.

Substituirá así á súa portavoz en Pontevedra, María Rey, que foi a persoa pola que apostou a formación laranxa nos comicios de xuño de 2016.

Beatriz Pino, actual responsable de prensa en Cidadáns Galicia, ten 43 anos e é licenciada en Xornalismo pola Universidade Carlos III de Madrid.

Durante a súa traxectoria profesional, traballou en varios medios de comunicación autonómicos e nacionais, entre eles TVG, Telemadrid e Antena 3.

Pino, xunto cos outros tres candidatos en Galicia (Marta Rivera pola Coruña, José Manuel Branco por Lugo e Inés Iglesias por Ourense), foi seleccionada pola dirección do partido, tras non celebrarse primarias en ningunha das provincias galegas.