A escola infantil de Marín-Seixo comezou este venres o curso 2016-2017, cunha xornada de portas abertas para pais e alumnos á que asistíu o xerente do Consorcio Galego de Servizos de Igualdade e Benestar, Perfecto Rodríguez, acompañado pola alcaldesa de Marín, María Ramallo.
Este centro, integrado na rede autonómica "Galiña Azul", dispón dun máximo de 41 prazas (3 unidades).
Inicia a súa andaina con 35 nenos matriculados, dos que 1 é un pequeno de 0 a 1 anos; 15, son alumnos de 1 a 2 anos; e 19, de 2 a 3 anos.
A eles hai que sumarlles 6 nenos máis, matriculados no período extraordinario de setembro, que iniciarán o curso o próximo 17 de outubro, co que se completará a capacidade máxima da escola.