Un accidente de tráfico ocorrido na tarde deste mércores 4 de xuño provocou importantes retencións na Autoestrada do Atlántico (AP-9) ao seu paso polo municipio de Poio, en dirección a Santiago.
O sinistro rexistrouse minutos antes das 16:00 horas no punto quilométrico 130 da AP-9, no tramo comprendido entre a ponte da autoestrada e a ponte da Barca,
Así o informou a Garda Civil de Tráfico a través das redes sociais de información do tráfico.
Ao lugar do accidente, na contorna da ría de Pontevedra, desprazouse unha ambulancia medicalizada para atender os ocupantes do turismo implicado.
A situación quedou normalizada sobre as 17:30 horas.
Os axentes da Garda Civil de Tráfico confirmaron que a circulación se restableceu completamente.