Unha muller resultou ferida na madrugada do sábado ao domingo tras verse implicada nun accidente en Castrelo, en Cambados.
Segundo a información facilitada polo Servizo de Emerxencias do Concello de Cambados, o sinistro ocorreu sobre o tres da madrugada no lugar de O Facho.
Un turismo encaixouse contra o muro de peche dunha casa, que quedou esnaquizado.
Como resultado do impacto, unha muller resultou ferida e precisou atención médica. Segundo Emerxencias de Cambados, o seu estado era leve.
O accidente ocorreu na estrada que vai cara á Telleira, en Castrelo, Cambados.
Na intervención colaboraron, ademais de Emerxencias de Cambados, unha ambulancia do 061 e a Garda Civil de Trafico.