A partir deste luns 20 de novembro, a Policía Local de Poio reforzará a súa vixilancia sobre os vehículos destinados ao transporte de mercadorías. Será no marco dunha campaña que se activa en colaboración coa Dirección Xeral de Tráfico.
Así, ata o próximo domingo 26, os axentes priorizarán o control sobre as furgonetas e camións.
Entre outras cuestións revisarán que as autorizacións e documentos que deben ter estes vehículos sexan os correctos para a prestación do seu servizo.
Ademais, verificarán que as condicións técnicas e os elementos de seguridade do vehículo son os que esixe a normativa, e sobre todo a disposición da carga, así como os requisitos especiais que debe cumprir o propio condutor, como son o permiso de condución.
A Policía Local de Poio recorda que os factores concurrentes máis habituais nos accidentes de furgonetas son as distraccións ao volante, o exceso de velocidade e o consumo de alcohol.
A este respecto, subliñan que as condicións técnicas deficientes e a maior antigüedade, a distancia de frenado, a visibilidade, a altura do vehículo, as luces, o centro de gravidade ou a colocación da carga son elemento que aumentan o risco de accidente.