Dez días despois do achado de dous cadáveres calcinados nunha pista forestal do lugar de Caneda, na parroquia de Morillas, en Campo Lameiro, o ADN permitiu identificar a identidade dos corpos.
Fontes oficiais da Garda Civil confirmaron a PontevedraViva que, finalmente, están plenamente identificados e trátase dun home e unha muller, ambos parella e veciños de Moraña.
Trátase de José Ramón G.S, de 50 anos, e Marisol C.P., de 49, que levaban desaparecidos desde uns días antes do achado dos corpos, ela dentro dun coche tamén calcinado e el a escasos metros.
É xusto a parella cara á que miraban todas as investigacións desde o primeiro dia, aínda que até agora non puidera confirmarse a súa identidade dado o elevado estado de deterioración dos corpos polo impacto do lume.
Unha vez que o servizo de Criminalística da Garda Civil confirmou, a través das probas de ADN, a quen corresponden os corpos localizados o 31 de maio, poderase continuar coas dilixencias de investigación para aclarar o ocorrido.
En todo caso, confirmado xa quen son, xa se confirma a hipótese principal da investigación, que se trata dun crime por violencia machista.
A Subdelegación do Goberno en Pontevedra indicou este martes que a investigación continúa e seguen abertas todas as hipóteses, pero PontevedraViva puido saber que agora xa só hai unha hipótese sobre a mesa: a violencia de xénero.
O home fora condenado en dúas ocasións por violencia machista e os investigadores sospeitan que matou á súa parella calcinada dentro dun coche e logo acabou coa súa vida.
A parella levaba días desaparecida cando apareceron os cadáveres. A súa desaparición estaba denunciada e a Garda Civil localizoulles en Bóveda, en Lugo. A pesar de que foi detido el quedou libre e supuetamente regresaron a Pontevedra e acabou coa súa vida en Campo Lameiro. Isto, de momento, son as súas hipóteses, non feitos confirmados.