A candidata do PSdeG-PSOE á alcaldía do Concello de Sanxenxo será Ainhoa Fervenza Celestino, despois de que a agrupación socialista mostrase o seu apoio por unanimidade á súa proposta na asemblea celebrada este venres 9 de decembro.
Fervenza destacou a importancia desta unión e consenso da agrupación e confía en que esta característica permitirá chegar á agrupación socialista á alcaldía do municipio turístico. Desta maneira repite candidatura despois de liderar a lista socialista nas eleccións municipais de 2019, desde entón é portavoz municipal da agrupación na corporación municipal de Sanxenxo.
A presentación oficial da candidatura que liderará Ainhoa Fervenza realizarase nun acto previsto para o sábado 17 de decembro, ás 20.00 horas no Pazo do Revel.