As alarmas saltaron este xoves en Vilaboa ao declararse un incendio en montes da parroquia de Santa Cristina de Cobres.
Segundo informou a Consellería do Medio Rural, o lume iniciouse ás 16.50 horas.
Inmediatamente desprazáronse ao lugar efectivos da loita contra os incendios.
Detalla a Consellería que se atopan traballando sobre o terreo 4 axentes, 6 brigadas, 6 motobombas e dous helicópteros.
Ademais, ata catro avións sumáronse ás tarefas de extinción desde o aire.
Á zona tamén se desprazaron bombeiros dos parques do Morrazo e Pontevedra, e efectivos de Emerxencias Vilaboa, a petición da Dirección xeral de emerxencias da Xunta de Galicia para colaborar na protección de núcleos de vivendas ante o lume declarado a primeiras horas da tarde.
Ás 19.48 activáronse os protocolos de nivel 2 como medida de protección á cidadanía debido á proximidade aos núcleos de poboación na zona de Vilar.
A gran columna de fume xerada polo incendio oes visible desde distintos puntos das rías de Pontevedra e Vigo.