Unha fochanca localizada na Rúa das Hortas, nas inmediacións dos novos xulgados de Pontevedra, empezou a xerar preocupación entre os veciños polo seu progresivo aumento de tamaño.
O buraco, situado case en fronte do edificio xudicial, presenta, segundo residentes da zona, unha profundidade aproximada duns 40 centímetros e "aos poucos está abrindo máis".
A principal preocupación, explican, radica no risco de que o firme poida ceder, xa que se atopa nunha zona de aparcadoiro, o que podería provocar danos en vehículos ou mesmo accidentes.
Ademais, advirten do perigo para os peóns que transitan pola zona, ante a posibilidade de caídas se a deterioración do asfalto continúa avanzando.
Ante esta situación, desde o Concello de Pontevedra indican que está previsto que a empresa concesionaria do servizo de augas, Veolia, acuda ao lugar para inspeccionar a orixe do problema.
O obxectivo é determinar se se trata dunha incidencia relacionada coa rede subterránea.
Engade Pontevedra Viva como fonte preferida de Google de balde
Mantente informado coas últimas noticias de actualidade.