Aínda que a primavera está a piques de chegar ao seu fin, os veciños do barrio de Altamira non quixeron desaproveitar o bo tempo para celebrar a súa tercera Festa da Primavera.
Como en anos anteriores, veciños e visitantes participaron neste evento, creando un ambiente festivo inigualable para gozar coa diversidade do barrio.
Así, os asistentes puideron probar a comida caseira que achega a veciñanza, dende a máis tradicional empanada ata as contribucións con sabores internacionais.
Ademais, celebrouse unha nova edición do seu tradicional concurso de tortillas.
A festa estivo amenizada pola actuación de Aladino Barros (Alba Solomúsica) e Showiñas.
A asociación veciñal, que decorou toda a rúa para esta celebración, destaca que iniciativas como esta buscan "pór en valor a nosa comunidade e o noso barrio cara toda a cidade".
O obxectivo era que todos os participantes levaran unha boa imaxe do barrio. E, polas caras de todos eles, poderíamos dicir que o conseguiron.