O Día Internacional da Muller conmemorouse este domingo 8 de marzo en Caldas de Reis con actividade física.
Numerosas veciñas e veciños participaron na Andaina pola Igualdade organizada polo Concello de Caldas.
Era o acto central da programación do 8M.
Tratábase dunha ruta de 10 quilómetros de percorrido e dificultade baixa que contou coa participación de representantes de diferentes asociacións e tamén da coorporación municipal.
Antes do seu inicio, a concelleira de Igualdade, Rocío Ferro, foi a encargada de ler o manifesto da xornada citando a Rosalía de Castro, co seu verso 'Libre son, libre nacín'.
Unhas palabras que "conservan toda a súa forza. Queremos que esa liberdade, proclamada con valentía, sexa hourizonte e reponsabilidade compartida", defendeu Ferro.
A edil convidou ás e os caldenses "a permanecer xuntos nesta loita de defensa dos dereitos das mulleres e coa igualdade de portunidades para todas e todos".
Por último destacou a necesidade de reforzar medidas que impulsen a igualdade salarial e de oportiunidades, que fomenten a corresponsabilidade nos coidados e que favorezan a conciliación persoal, familiar e laboral.