O Bosque de Colón foi o lugar elixido polo Partido Popular de Poio para presentar a lista coa que concorrerá ás eleccións municipais do próximo 28 de maio.
Ángel Moldes, candidato á alcaldía pola formación popular, describiu aos seus compañeiros como "un equipo preparado, ilusionado, que coñece a administración e que ten a capacidade e coñecementos para poder gobernar desde o primeiro día". Todo iso "con xente de todas as parroquias e auténticos representantes da sociedade de Poio".
De feito, asegura Moldes, a do PP é a única candidatura "que se presenta para gañar e gobernar". Coa base do equipo que sepresentó en 2019 e "gañou en todas as parroquias" pero con algún que outro reforzo, o cabeza de cartel do Partido Popular defendeu que o seu será "un proxecto para unir e servir a todos os veciños e veciñas", aínda que consciente que necesita unha maioría suficiente porque os comicios serán "todos contra Ángel Moldes".
"A xente quere cambio e ve que o 28 de maio é o momento para conseguilo apoiando un proxecto sólido", defendeu na súa intervención.
A lista electoral do PP de Poio compóñena: 1-Ángel Moldes Martínez, 2-Rocío Cochón Castro, 3-Cándido Muíños Balea, 4-María José González López, 5-Manuel Domínguez Álvarez, 6-Marcial García Freijeiro, 7-María Natividad Torres Balea, 8-Tamara González Ouviña, 9-Natalia Sabarís Castro, 10-Francisco Javier Da Silva Iglesias, 11-Elisabeth Moreda Martínez, 12-Lino Pazos Nieto, 13-Hortensia Baquero Hernández, 14-José Vicente Pérez Pazos, 15-Jaime Martínez Rial, 16-Susana Castiñeira Antón, 17-Sergio Veiga Touceda.
Completal a candidatura como suplentes: 18-Ramón Pesqueira Muñiz, 19-Juan José Buceta Sanmartín, 20-Ángeles Torres Esperón, 21-Adrián Esperón Pequeno, 22-Ana Vázquez Rivas, 23-Fernando Rial Esperón, 24-Lidia Julia Janeiro Díez, 25-Jesús Míguez Gómez, 26-Patricia Arizaga Diz, 27-José Ramón Ansín Sanmartín.