O delicado ecosistema do río Gafos volveu ser vítima dunha agresión ambiental.
Así o denuncia o colectivo ecoloxista Vaipolorío.
Os seus responsables alertaron ao 112 Galicia dunha nova vertedura de gran volume.
Pero, desta vez, non se trata dun líquido que chegara á canle do río.
Apareceron cristais do que parece ser unha porta dun comercio e paneis publicitarios de gran tamaño.
Foi nas inmediacións da vía de servizo do tren de alta velocidade, en Pontevedra, concretamente no tramo que discorre paralelo ao río Tomeza.
Vaipolorío fai un chamamento aos cidadáns para que deixen de botar lixo ou residuos de calquera tipo que poidan danar as ribeiras deste ámbito fluvial.
