Os Premios Cidade de Pontevedra entregaranse o vindeiro 20 de xaneiro, día de San Sebastián, nun pleno extraordinario de honra que levará a cabo no Teatro Principal. O xurado terá que decidir previamente a quen concede este ano os galardóns.
Nesta ocasión presentáronse catro candidaturas para persoa física e outras catro para persoa xurídica.
Categoría persoa física:
- Víctor Pedreira, psiquiatra e activista na defensa da sanidade pública. A súa candidatura foi presentada pola Asociación Alba de familiares e amigos de persoas con enfermidade mental de Pontevedra e conta co apoio dos movementos Saúde Batas Brancas e SOS Sanidade Pública.
- Javier Cabo Salvador, cirurxián pediátrico no Hospital da Paz, en Madrid. Candidatura presentada pola Asociación Amigos de Pontevedra.
- Pablo Dapena, triatleta. Candidatura impulsada pola aula Educación Viaria de Pontevedra, que quere recoñecer a súa palmarés deportivo.
- María Luz Fernández, presidenta da Federación veciñal Boa Vila. A federación de asociacións de veciños Teucro foi a encargada de presentar esta proposta.
Categoría persoa xurídica:
- Escola de Xadrez Pontevedra, candidatura presentada polo Casino Mercantil e Industrial de Pontevedra, que quere mostrar o seu apoio ao seu labor educativo e social, ademais do seu compromiso solidario co campamento de refuxiados de Azraq en Xordania.
- Clínica Médico-estética Trini Maquieira, candidatura presentada por Amencer- Aspace. Valórase o labor altruísta con mozos que padecen parálise cerebral.
- Landín informática, candidatura presentada por Aempe e AJE Pontevedra.
- Mancomunidade de montes en man común do Concello de Pontevedra, candidatura presentada pola federación de asociacións de veciños Teucro.