O Concello de Sanxenxo decidiu baixar estes días a bandeira azul que ondea na praia de Areas ao non darse as condicións para facelo.
O motivo foi, segundo a información oficial facilitada, que as últimas analíticas realizadas pola Consellería de Sanidade deron "alterados" os parámetros no extremo esquerdo da praia, concretamente, na zona do regato.
Por este motivo, o Concello non recomenda o baño nesa zona do areal e decidiu baixar a bandeira.
Esta situación manterase, polo menos, ata o luns día 25 de xullo, cando Sanidade repetirá as análises para saber se dan as condicións de salubridade.