O Concello de Pontevedra iniciou a campaña de podas de inverno 2025-2026, un plan que contempla a intervención sobre 561 árbores distribuídas por unha trintena de rúas e parques da cidade.
Os traballos, que comezaron na rúa A Estrada coa poda dos ficus, continuarán de maneira progresiva até a próxima primavera en diferentes barrios e zonas verdes da Boa Vila.
A actuación está dirixida pola Concellaría de Servizos Urbanos Básicos, encabezada por Xaquín Moreda, e ten como obxectivo "realizar unha xestión do arboledo que respecte a bioloxía das plantas á vez que se garante a convivencia coa veciñanza", explicou o edil.
As intervencións inclúen podas de formación, limpeza e seguridade, e de forma puntual, talla e cambio de exemplares.
Entre as actuacións máis destacadas, este venres está prevista a retirada de 21 ciruelos na rúa Virxinia Pereira, cuxa froita provoca molestias veciñais no verán e atrae abellas, incluídas velutinas, ao caer sobre as beirarrúas.
Tamén se contempla a talla de 16 castiñeiros no colexio de Xeve, solicitada polo propio centro, a retirada de sete ficus en Pintor Laxeiro, polo seu gran tamaño e problemas estruturais, e a dun liquidámbar na avenida da Coruña, cuxas raíces danan a beirarrúa e a fachada dun edificio novo.
"Estas intervencións responden a criterios técnicos de arboricultura e necesidades cidadás", subliñou Moreda, quen lembrou que o Concello evita pódalas agresivas, xa que "provocan feridas e a entrada de patóxenos, optando sempre por podas de formación, control ou seguridade para alargar a vida dos exemplares".
A lista de actuacións abarca numerosas zonas de Pontevedra, entre elas a Rúa dos Soutos, Joaquín Costa-A Estrada, A Seca, Os Praceres, Avenida de Marín, Campolongo, Parque Rúa as Devesas, Paseo de Valle Inclán, Xunqueira de Alba, Fontesanta, Avenida de Bos Aires, Santa Teresa de Jesús Jornet, Rúa Pardo de Cela, Avenida das Corvaceiras, Avenida de Eduardo Pondal, Manuel Vidal Portela, Rúa Eduardo Pondal, Rúa María Victoria Moreno, Cidade de Pedra, Rúa Ramón Otero Pedraio, Parque do Cogomelo, Praza da Constitución, Avenida de Corvaceiras - Paseo, Avenida de Uruguai, Xunqueira de Alba, Illa das Esculturas, margen izquierdo del río Lérez, Avenida de Compostela - Banco Iluminado, Rúa Celso Emilio Ferreiro, CEIP Cabanas, CEIP A Xunqueira II e CEIP San Martiño.
O concelleiro apuntou que, ademais da seguridade, a xestión do arboledo busca mellorar a calidade de vida nas vivendas urbanas, xa que as podas permiten "redirixir a orientación das ramas para separalas de fachadas e xanelas" e favorecer así a entrada de luz natural durante os meses de inverno.
"Aínda que estes traballos poidan xerar molestias puntuais, son accións que melloran a calidade dos espazos públicos de Pontevedra", concluíu Moreda.