A área Sanitaria de Pontevedra e O Salnés atendeu un total de 5.148 asistencias durante a pasada ponte festiva de agosto.
Os nove Puntos de Atención Continuada (PAC) da área de saúde prestaron un total de 3.380 asistencias.
Dese global de actividade de urxencias extrahospitalarias, no PAC da Parda en Pontevedra atendéronse a 669 pacientes as xornadas coincidentes coa ponte festiva e as celebracións da Virxe Peregrina.
Así mesmo, durante os festexos da Festa da auga de Vilagarcía de Arousa, o PAC desta localidade asumiu entre o pasado xoves 14 e o domingo 17 de agosto un total de 667 urxencias, no Grove 292 e no PAC de Cambados 412 asistencias urxentes.
Nas urxencias extrahospitalarias do centro de saúde de Baltar en Sanxenxo asumíronse nesta pasada ponte festiva de agosto 515 asistencias; o PAC de Bueu atendeu 184 urxencias, o PAC de Caldas de Reis 293, Marín atendeu 280 e o PAC de Terra de Montes 68 asistencias.
1.768 URXENCIAS HOSPITALARIAS
No que atinxe ás urxencias hospitalarias, a Área Sanitaria de Pontevedra e O Salnés atendeu durante os pasados xoves 14, venres 15, sábado 16 e onte domingo 17 de agosto un total de 1.768 urxencias.
1.177 urxencias no Complexo Hospitalario Universitario de Pontevedra e 591 no Hospital Público do Salnés en Vilagarcía de Arousa.