A Policía Local de Poio localizou nunha vivenda da Rúa Ramón Encinas en Raxó o cultivo de varias plantas de marihuana.
A localización da substancia tivo lugar o pasado xoves e foi posible dado que unha patrulla da Policía Local ía citar a un veciño do lugar para un xuízo rápido por presunto furto nun establecemento de Poio en días anteriores, sendo o autor dos feitos o mesmo que cultivaba varias plantas no acceso a súa vivenda.
A Policía Local abriu dilixencias de investigación por un presunto delito de contra a saúde pública (tráfico de drogas) e quedou citado tamén para o xuízo polo presunto furto.
O total intervido de marihuana foi de 350 gramos desta substancia que serán remitidas a área de Sanidade Exterior de Vigo para súa análise e destrución.
O valor da substancia retirada do mercado ilícito é de aproximadamente uns 2.000 euros.