Ás 08.18 horas deste martes 22, unha muller que camiñaba, cruzando no paso de peóns, pola rotonda da Barca resultaba atropelada por un vehículo, que lle produciu diferentes mancaduras.
O suceso rexistrábase cando aínda era de noite e chovía con intensidade na zona.
A muller, de 61 anos de idade, foi trasladada ao Hospital Montecelo, segundo informa a Policía Local de Poio. Segundo os primeiros informes, sufría dor no peito e no nocello derivado do impacto e a posterior caída.
A Policía Local iniciou dilixencias de investigación. O condutor foi sometido a un control de consumo de alcol e drogas, no que ofreceu resultado negativo.