A Xunta de Goberno do Concello de Barro concedeu a Distribucións Froiz S.A.U. a licenza necesaria para a construción do seu Centro Loxístico de Distribución no polígono de Outeda.
O proxecto da firma alimenticia conta cun orzamento de 5.738.134,47 euros para a construción dunha instalación de 24.124 metros cadrados sobre unha parcela de 44.826 metros cadrados.
Esta nova nave únese á xa construída por Froiz no polígono de Barro aos conxelados.
Nestas novas instalacións "poderán chegar a traballar máis de 500 persoas", sinalan desde o goberno local de barro.
"Desde o concello damos todas as facilidades posibles ás empresas que se queren asentar en Barro e axilizamos ao máximo os trámites administrativos para que a súa implantación sexa unha realidade o máis pronto posible", sinala respecto diso o alcalde, Xosé Manuel Fernández Abraldes satisfeito pola alta ocupación que está a lograr o polígono industrial.