Máis de cen postos de venda déronse cita na tarde deste primeiro domingo de abril na chaira do Pazo en Barro. Desenvolvíase neste espazo unha nova etapa do mercado desta localidade. Agora o goberno municipal faise cargo da xestión e o balance é moi positivo.
Miles de clientes, procedentes de diversos puntos da provincia, achegáronse ao longo de toda a tarde por este espazo aproveitando o bo tempo. A organización resultou todo un éxito e non se rexistraron incidencias. Os traballadores municipais atopáronse alerta en todo momento para colaborar cos vendedores e situalos na súa zona de venda.
O mercado conta agora cunha maior variedade de produtos de venda, ademais de pezas de roupa e calzado, tamén se ofrecían produtos gastronómicos.
Esta cita continuará celebrándose durante as tardes de todos os domingos.