Por mor da celebración do tradicional Desfile do Entroido, este sábado día 18 de febreiro de 2023 se producirán restricións na circulación de vehículos na cidade de Pontevedra.
Segundo informa a Policía Local, a zona de concentración dos participantes no Desfile será na rúa José Malvar, que se pechará ás tres da tarde, o percorrido será desde este punto pasando por Loureiro Crespo, Benito Corbal, Praza da Peregrina, Michelena, Praza de España, Alameda e recollida en Echegaray. Este itinerario péchase ao tráfico ás catro da tarde, momento a partir do cal non se permitirá o acceso ou saída dos garaxes que se atopen no percorrido.
As rúas con sentido de circulación cara as vías sinaladas atoparanse pechadas ao tráfico.
O acceso ao Hospital Provincial para os servicios emerxencia farase denne Beiramar (por Padre Gaite, San Antoniño, Victor Cervera Mercadillo e Loureiro Crespo), e tamén dende Eduardo Pondal (por Uxío Novoneira e Joaquín Costa). O acceso ao Hospital Quirónsalud será pola Praza de Galicia, Andrés Mellado, Sagasta (sentido contrario) e rúa Castelao.
Con antelación suficiente débese comunicar á Policía Local ( 986-833-080 ) a necesidade de acceder ao centro asistencial para que se poidan adoptar as medidas que procedan.