Trasmallo, El Cafetín e Feroz de Pontevedra e Asador - Cafetaría Castelao de Sanxenxo participarán os días 20 e 21 de outubro no IV Campionato de Tapas e Petiscos de Galicia. Os nove días anteriores, como adianto, as súas propostas poderán degustarse nos seus locais.
Será como parte da IV Ruta de Tapas e Petiscos de Galicia, que se celebrará do 10 ao 19 de outubro en máis dunha trintena de bares e restaurantes repartidos polas catro provincias galegas.
Os locais ofecerán ao público a oportunidade de deleitarse, a pé de barra, con elaboracións cheas de sabor e creatividade que se degustan nun máximo de tres bocados.
As propostas pontevedresas completaranas La Tula (Vigo), Pandemillo Taberna Mariñeira (Cangas) e Amery Kozi (Vigo).
Cada establecemento participante contará cun cartel identificativo da ruta, onde se indicará o nome da tapa que ofrece.
As tapas deste percorrido pódense consultar en Instagram e Facebook:
Anímase aos clientes a compartir esta experiencia gastronómica en redes sociais usando o hashtag #roteirotapasgalicia ou mencionando á Academia, para difundir a creatividade e a riqueza da gastronomía galega.
Será o aperitivo perfecto para o IV Campionato de Tapas e Petiscos de Galicia, que se celebrará no Mosteiro de San Pedro de Rocas, en Esgos (Ourense).
Así o indico este xoves o presidente do Instituto Ourensán de Desenvolvemento Económico (Inorde), Rosendo Fernández, que dixo que esta ruta será "a antesala doutra exitosa edición do Campionato de Tapas e Petiscos que acollerá a nosa provincia, e que permitirá xa dar boa conta da calidade agroalimentaria do noso territorio".
José Luís Rodríguez, delegado comercial de Estrela Galicia, cervexa oficial do certame, destacou o compromiso da marca coa promoción da gastronomía galega, así como do talento dos profesionais da hostalaría, aos que a compañía apoia de forma constante a través dun gran número de iniciativas ao longo de todo o territorio.