Encontrar un sitio onde deixar o coche, en moitas ocasións, é todo un quebradizo de cabeza para todas aquelas persoas que van á praia durante o verán.
De aí que o goberno municipal de Marín optara por buscar unha solución coa que aumentar o espazo dispoñible para estacionamento ao carón das súas principais praias.
Así, disporá de catro novos aparcamentos públicos que xa están a ser acondicionados.
Son concretamente dúas parcelas en Aguete, unha en Loira e outra xunto ao acceso á Coviña para poder aumentar a zona de estacionamento no verán.
Xa están listas e rozadas a de Aguete, que se atopa no cruce do Vial de Praias con Gago de Mendoza, a que se atopa nun lateral da estrada de acceso á praia de Loira e a que dá servizo á praia da Coviña.
A maiores, o Concello conseguiu este ano unha nova parcela tamén en Aguete.
Está situada no cruce do Camiño de Aguete co Vial de Praias e nela xa se están realizando os traballos precisos para poder habilitala como aparcadoiro á maior brevidade posible.