O Centro Comercial Aberto Estrela de Marín instalará este mércores 11 e xoves 12 de marzo unha caseta na Praza de Abastos para axudar a tramitar os Bonos Comercio e reducir a fenda dixital entre os veciños.
O horario será de mañá, de 10:30 a 13:00 horas.
Durante estas xornadas, calquera persoa poderá comprar un cartón físico precargada con 30 euros pagando só 20.
Esta iniciativa, sinalan desde o CCA, está pensada para quen teñen dificultades co proceso online, garantindo que toda a cidadanía acceda ao desconto e poida apoiar ao comercio local.
A entidade lembra que o prazo vence este venres 13 ás 21:00 horas, polo que urxe achegarse á caseta para resolver dúbidas e obter o cartón antes do fin da campaña.
O custo total dos 600 bonos cóbreo o Concello de Marín, coa cofinanciación da Xunta vía Comercio Galego.
O programa xa mobilizou máis de 13.000 euros en vendas para os comercios asociados.
Engade Pontevedra Viva como fonte preferida de Google de balde
Mantente informado coas últimas noticias de actualidade.