Do mesmo xeito que ocorreu o ano pasado, Cidadáns non sentará a negociar os próximos orzamentos co goberno municipal.
A concelleira María Rey sinalou que "hai algunhas liñas vermellas que non imos pasar" e entende que "perder o tempo non é o noso".
A negativa de Cidadáns fundaméntase no rexeitamento do BNG a aprobar un novo PXOM, a reducir os lombos na cidade, a non mellorar os servizos sociais ou non facer unha promoción económica "seria", polo que Rey entende que "pouco ou nada teño que ver con eles".
Desde Cidadáns vaticinan que o orzamento de 2019 será un "curta e pega" de anos anteriores e reiteran que non son as contas máis adecuadas para resolver os problemas dos pontevedreses.
Engade Pontevedra Viva como fonte preferida de Google de balde
Mantente informado coas últimas noticias de actualidade.