Cinco persoas foron detidas no marco do operativo contra o tráfico de drogas que despregou a Policía Nacional na comarca pontevedresa dO Salnés e que ten o seu epicentro en Vilagarcía de Arousa.
A investigación, que está baixo segredo de sumario decretado por un xulgado de Vilagarcía, desenvólvese desde primeira hora deste martes..
Este operativo do grupo 2 da unidade de droga e crime organizado da Policía Nacional de Pontevedra despregouse por varios barrios de Vilagarcía, entre eles os de Trabanca Badiña, O Piñeiriño e Rubiáns, onde rexistraron ata un establecemento de hostalaría.
Ademais, o seis rexistros practicados estendéronse tamén até o municipio de Ribadumia.
O operativo contou co apoio dunha unidade canina e un helicóptero.
O subdelegado do Goberno en Pontevedra, Abel Losada, explicou que esta operación policial estaba "enfocada" na detención de persoas relacionadas co tráfico de drogas "máis que á incautación de droga".
Ademais da cocaína intervida nos rexistros, os axentes incautaron diñeiro en efectivo e útiles para a preparación da droga.
A operación continúa aberta e non se descartan novas detencións.