A mañá deste xoves estivo marcada por dous accidentes de tráfico no municipio de Sanxenxo, que mobilizaron aos servizos de emerxencias e ás forzas de seguridade.
O máis grave produciuse ás 11:55 horas na rotonda de saída da autovía, onde colisionaron un turismo e unha motocicleta.
O motorista resultou ferido no impacto e foi evacuado ao hospital polo Servizo de Emerxencias do 061.
A Garda Civil de Tráfico encargábase da instrución das dilixencias correspondentes, mentres que a Policía Local colaborou na evacuación do ferido, asegurou a zona e regulou o tráfico para evitar novos incidentes.
ACCIDENTE NA CACHADA (NANTES)
Pouco antes, produciuse outro accidente na zona da Cachada (Nantes), onde se rexistrou unha colisión fronto-lateral anterior entre dous turismos.
Segundo os primeiros datos, catro ocupantes dun dos vehículos resultaron con feridas leves.
A Policía Local interveu para a instrución das dilixencias, mentres que o Servizo de Emerxencias de Sanxenxo encargouse da limpeza dos restos na calzada, restablecendo a normalidade no tráfico.
