Efectivos do Servizo de Emerxencias do Concello de Cambados acudían este mércores para intervir na axuda ás persoas feridas nun accidente de tráfico rexistrado ás 16.36 horas na estrada PO-531 ao seu paso polo municipio de Meis, segundo informaba o 112 Galicia.
Como resultado do sinistro, cinco persoas foron evacuadas ao Hospital do Salnés por ambulancias do 061.
Entre as persoas afectados figura o condutor do guindastre, M.B.V., de 42 anos e veciño de Vilagarcía, así como catro pasaxeiros que viaxaban no autobús que realiza a ruta entre Vilagarcía de Arousa e Pontevedra.: A.I.F.G., M.A.D.P., F.L.D. e D.G.F.
O impacto rexistrábase na recta da Goulla, situada na parroquia de San Lourenzo de Nogueira.
Tras o impacto, o guindastre terminaba fóra da estrada nunha leira mentres o autobús presentaba numerosos danos nun lateral da parte dianteira.
Na intervención colaboraron diversos servizos de emerxencia, incluíndo as ambulancias do 061, a Garda Civil de Tráfico, o equipo de Ateigados e o servizo de Mantemento de Estradas.
O dispositivo de emerxencia despregouse para atender aos feridos e restablecer a normalidade na circulación de tráfico na vía ao longo da tarde.