Este domingo 10 de setembro volverán tomar as rúas da Boa Vila os vehículos históricos que participan na quinta edición da concentración Cidade de Pontevedra.
Esta cita iniciarase na Praza de España ás 10.00 horas e finalizará ás 20.00 horas. Durante a xornada desenvolverase unha ruta e tamén unha comida entre as persoas participantes.
Este xoves, Anabel Gulías, concelleira de Promoción dá Cidade, presentaba esta edición con integrantes do Club AVA (Amigos dos Vehículos Antigos), Enrique Vázquez e Manuel González.
Espérase a participación de máis de cincuenta automóbiles a esta cita que volverá sumar numerosos visitantes que terán a oportunidade de ver un histórico autobús de Autocares Cuiña e camións de bombeiros do parque municipal xa retirados da actividade.
Os amantes do motor tamén terán a oportunidade, segundo a organización do evento, de ver modelos dun Cadillac ou dun Lincoln Continental da década dos 50 e dos 60.