A obra 'Máis Saaabor!', de Culturactiva Produccións, chega a Pontevedra este mes de marzo da man de Afundación.
O Auditorio da súa sede na Boa Vila acollerá a calebración desta obra dirixida ao alumnado de terceiro e cuarto de Primaria.
Desde a organización teñen previsto que acudan 2.700 estudantes de 50 centros de Pontevedra e a comarca.
As funcións repetiranse os días 2, 3 e 4 do propio mes.
Secuela do exitoso 'Saaabor!', galardoado co Premio do Público en Festiclown 2018, o espectáculo combina música en directo, maxia, humor e ritmo para achegar ao público escolar un saboroso, equilibrado e, sobre todo, ben afinado menú.
A través del, queren promover o achegamento á cociña, a alimentación saudable e o consumo de produtos de proximidade.
A programación escolar de Afundación reforza, a través das artes escénicas, a formación que o alumnado recibe en aulas, fomentando valores e competencias transversais como o talento, autonomía, solidariedade, creatividade, autoestima e traballo en equipo.
As artes escénicas, ademais, estimulan a observación, o diálogo, a reflexión e as habilidades sociais.
Engade Pontevedra Viva como fonte preferida de Google de balde
Mantente informado coas últimas noticias de actualidade.