En setembro, cando empezo o novo curso escolar, estarán en marcha as obras de mellora da seguridade viaria na contorna do colexio da Florida e, durante todo o tempo que duren os traballos, o centro terá un novo acceso.
O Concello de Sanxenxo habilitará un novo acceso por Rúa Miraflores para autobuses e vehículos.
Operarios municipais acondicionarán unha nova entrada para coches mentres que a porta principal seguirá estando operativa para acceso dos peóns durante aproximadamente o mes que duren as obras.
Pola Rúa Miraflores habilitarase unha entrada para Infantil e outra, para Primaria.
As concelleiras de Educación, Nati Parada; Planificación Urbanística e Vivenda, María Deza; e Mantemento e Servizos, Yago Torres, visitaron a zona con membros do equipo directivo.
Esta obra ten un orzamento de 64.960 euros, dos cales 55.170 euros proveñen dunha axuda da Agader.
O pavimento está bastante deteriorado polo uso, polo que é necesario substituílo por completo. Ademais, se planifica ampliar o viario creando unha tira de ensanche na marxe esquerda e pavimentarase un sobreancho aproveitando a cesión dunha parcela ao comezo do camiño.
A obra incluirá tamén a demolición e reposición do muro fronte á entrada do pavillón, onde se habilitarán varias prazas de aparcadoiro. Ademais, eliminarase unha cuneta ao descuberto e instalarase un sistema para recoller as augas pluviais.
Ao finalizar, pavimentarase toda a calzada, repararanse as tapas de rexistro afectadas e colocarase a sinalización vertical necesaria.