O goberno local de Caldas apostará de novo este 2025 por unha nova edición da campaña ‘Eu merco en Caldas’.
A iniciativa estreouse a mediados do 2024 para fomentar o mercado local e impulsar a actividade hostaleira.
A proposta do Concello avoga pola colaboración entre a institución pública e o ámbito privado co fin de acadar a desestacionalización.
Esta medida procura mellorar o rendemento da actividade comercial e hostalaría durante todo o ano e consolidar os principais dinamizadores económicos e sociais.
Deste xeito, os obxectivos en relación á hostalería xiran arredor de aumentar accións ao longo dos doce meses para manter estable a actividade.
Para alcanzar esta mellora impulsáronse actividades como ludotecas infantís e variedade de descontos, así como programas de difusión.
A intención do goberno local, segundo indicaba o alcalde Jacobo Pérez, é manter reunións periódicas cada mes ou mes e medio para traballar en máis propostas deste eido co fin de situar a localidade como referente da bisbarra.