Ás 08:23 horas deste 31 de decembro, o Servizo de Emerxencias acudiu a un accidente de tráfico na Avenida de Vilagarcía no Concello de Cambados.
No sinistro viuse implicada S.T.G., unha condutora de 54 anos, que foi evacuada pola ambulancia do 061 ao Hospital do Salnés tras presentar dor cervical, lumbar e torácico.
O turismo no que viaxaba a muller chocou contra un vehículo estacionado na mesma vía, quedando o coche atravesado na calzada.
Ata o lugar desprazábanse tamén axentes da Garda Civil de Tráfico e o persoal sanitario do 061.
Tras unha rápida atención no lugar, a afectada foi trasladada para unha avaliación máis exhaustiva no centro hospitalario.
A circulación na zona foi parcialmente interrompida mentres os servizos de emerxencia traballaban para retirar o vehículo e restablecer a normalidade.
A Garda Civil de Tráfico investiga as causas do accidente.