Chega unha nova entrega da serie "A cociña gourmet en conserva", da man de Conservas Pescamar. Nesta ocasión, imos preparar unha receita inspirada na cociña de rúa da India, coa que imos aproveitar todos os beneficios que nos ofrecen as luras de Conservas Pescamar.
Dende un punto de vista nutricional, a lura destaca polo seu contido en proteínas de gran calidade e en ácidos graxos poliinsaturados omega 3. Ademais, de ser baixa en graxas e calorías.
Esta receita é un popular aperitivo da India chamado kutchi cone chaat, que combina masa crocante, verduras frescas, especias e salsas.
Ingredientes (para 4 persoas)
- 2 latas de luras ao allo Pescamar
- 8 conos de masa de empanadilla
- 2 patacas medianas cocidas
- 1 cebola tenra
- 2 tomates maduros
- 1 cenoria pequena
- 1/2 cunca de millo doce
- Un puñado de follas de coandro fresco
- Sev (fideos crocantes de garavanzo; pode substituírse por outros fideos fritos)
- Zume de 1 lima
- Sal e pementa
- Salsa agridoce
Preparación dos conos:
Toma cada disco de masa de empanadilla e dálle forma sobre un cono de metal.
Quenta abundante aceite nunha tixola fonda a temperatura media-alta.
Frite os conos ata que estean dourados e crocantes, virándoos con coidado para que se fagan de maneira uniforme.
Retira os conos do aceite e colócaos sobre papel absorbente para eliminar o exceso de graxa.
Preparación do recheo:
Escorre lixeiramente as dúas latas de luras ao allo Pescamar, reservando parte do mollo da conserva. Pica as luras en anacos pequenos e colócaos nun bol grande.
Engade as patacas cocidas e chafadas, a cebola, o tomate e a cenoria picados en dados moi finos, xunto co millo. Mestura ben ata obter un recheo homoxéneo.
Incorpora o mollo reservado das luras e o zume de lima. Salpementa ao gusto.
Montaxe:
Enche os conos fritos coa mestura de luras e verduras.
Coroa cun pouco de sev ou os fideos que escollas e follas de coandro fresco.
Serve acompañados dun cunco con salsa agridoce para mollar.
En dúas semanas, os produtos do mar serán de novo protagonistas dunha nova receita de "A cociña gourmet en conserva" de Conservas Pescamar.
