Nesta nova entrega de "A cociña gourmet en conserva", da man de Conservas Pescamar, propomos unha receita quente perfecta para gozar dos días máis fríos: unha Crema de champiñóns con cabala Pescamar.
A cabala é un dos peixes azuis máis valorados polo seu exquisito sabor e a súa achega en ácidos graxos Omega 3.
Para preparar unha deliciosa Crema de champiñóns con cabala Pescamar para 4 persoas necesitamos os seguintes ingredientes:
- 500 g de champiñóns frescos
- 1 cebola grande
- 2 patacas medianas
- 1 dente de allo
- 1 litro de caldo de verduras
- 200 ml de nata líquida para cociñar
- 2 latas de Filetes de cabala do Sur en aceite de xirasol Pescamar
- 2 culleradas de aceite de oliva virxe extra
- Sal e pementa negra ao gusto
- Perexil fresco para decorar
Preparación:
Limpamos os champiñóns e cortámolos en láminas.
Pelamos e picamos a cebola, o allo e as patacas.
Nunha pota grande, quentamos o aceite de oliva e sofritimos a cebola e o allo a lume medio ata que estean transparentes. Engadimos os champiñóns (reservando algúns para decorar) e refogamos durante uns 5 minutos.
Incorporamos as patacas picadas e vertemos o caldo de verduras. Cociñamos a lume medio durante uns 20 minutos, ata que as patacas estean tenras.
Retiramos do lume, engadimos os Filetes de cabala do Sur en aceite de xirasol Pescamar previamente esmiuzados e a nata líquida. Trituramos ata obter unha textura cremosa e homoxénea. Axustamos de sal e pementa ao gusto.
Servimos a crema quente en cuncas, colocando enriba algúns anacos das láminas de champiñón reservadas e un toque de perexil fresco picado.
En quince días, os produtos do mar serán de novo protagonistas dunha nova receita de "A cociña gourmet en conserva", de Conservas Pescamar.
