A Consellería do Medio Rural informou da situación dos incendios forestais rexistrados en Galicia con datos recollidos ata as 10.00 horas de hoxe sábado.
Como principal novidade a esa hora cómpre salientar que desactivouse a Situación 2 no lume na localidade de Vilaboa-Santa Cristina de Cobres.
Este incendio segue activo desde as 16.37 horas do xoves 21.
Segundo as últimas estimacións provisionais, o incendio afecta unha superficie de arredor de 60 hectáreas.
Para a súa extinción mobilizáronse de xeito acumulado 3 técnicos, 19 axentes, 35 brigadas, 30 motobombas, 2 palas, 3 unidades técnicas de apoio, 5 helicópteros e 8 avións.
Neste lume mobilizáronse efectivos da Unidade Militar de Emerxencias (UME) que durante esta noite de venres ao sábado realizaron labores de vixilancia e liquidación de puntos quentes.
Os efectivos da UME chegaron en helicópteros Chinook á Base General Morillo da Brilat. A presenza destas aeronaves chamou á atención da cidadanía.