Un home foi detido en Pontevedra por un presunto delito contra a saúde pública, na súa modalidade de tráfico de drogas, ao ser sorprendido mentres realizaba un intercambio en plena rúa.
O rechamante desta actuación da Policía Local de Pontevedra é que o individuo detido xa fora condenado previamente a máis de catro anos de prisión, atopándose a condena en suspensión até o ano 2027 baixo a condición de non delinquir.
Os feitos actuais, explican desde a autoridade municipal, xa foron postos en coñecemento da autoridade competente.
Nesta ocasión a actuación policial se originió na tarde do pasado 16 de abril, ao redor das 20.45 horas, na Avenida Manuel del Palacio e no marco dun dispositivo de vixilancia e prevención activado pola Policía Local tras recibir queixas veciñais alertando dun posible menudeo de drogas na zona.
Durante este operativo aos axentes chamoulles a atención unha persoa en actitude sospeitosa, visiblemente nerviosa e pendente do seu teléfono móbil. Aos poucos minutos, segundo o relatan fontes municipais, chegou ao lugar un coche de alta gama conducido por un home coñecido polas forzas da orde por outras intervencións previas vinculadas ao tráfico de drogas.
Tras subirse a persoa que esperaba ao vehículo, os axentes presenciaron un intercambio entre o condutor e o acompañante. Metros máis adiante, o turismo detívose para que o copiloto baixase, momento no que foi interceptado pola policía portando un envoltorio con sustancia poeirenta branca, posiblemente cocaína, procedéndose a realizar unha acta de intervención de drogas.
Ao día seguinte os axentes procederon á detención do vendedor tras ser interceptado no seu vehículo.
No momento do arresto, levaba consigo catro envoltorios adicionais de cor branca coa mesma sustancia e 290 euros en efectivo.